البارحه يحسين

[شعراوي]

--------------------------------------------------------------------------------


القصيده للشاعر مشعل حمود الحبيني في ضياع طيره

الحائزة على المركز الاول في مسابقة افضل قصيدة في فقدان الطير

البارحه ياحسين مركاي كوعي .. .. من العشا الين اذن الفجر يا حسين
ما غير اسلي خاطري بالدموعي .. .. مثل الذي من يقضي الدين بالدين
كله سبب طيري حسين الطبوعي .. .. النادر الا شوفته تطرب العين
اللي لامني ندبته فزوعي .. .. مثل الشجاع الا نهموه القريبين
قمت اتذكر تلته لطلوعي .. .. بخدن قنصنا فيها حروة اسبوعين
مدري ثمان ايام معهن اسبوعي .. .. لا شك كنهن يا ابن الاجواد يومين
وفي تالي المقناص يوم الربوعي .. .. اتلى العهد به راح يلوا الجناحين
اقفى وراء خرب مصقر جزوعي .. .. متذير واردفت من عقبه طيرين
وسقنا معاهن وسط خد منوعي .. .. اقفن شمال ومبعدات عن العين
الخرب صامل والنداوي قطوعي0000وحال الوعر من دونهن والشعيبين
وقفت ادربل مير مامن سنوعي .. .. وقالوا جهاز الطير ما نسمعه زين
واجهدت رجلي بكل رجمن رفوعي .. .. ارقى والوح وادبل الصوت صوتين
وما قصرو وقت المنافع ربوعي .. .. وخذت في جو القطامي نهارين
لاشك طيري ما نوى لرجوعي .. .. وانا بعد حدرت يم البلادين
ما كان ودي ان المفارق فجوعي .. .. ليته موادعني سوات المحبين
الله يلوم الطير بعده يلوعي .. .. خلاني اسهر والمخاليق ممسين
عساه يسلم من يدين الطموعي.. .. اللي عن النشاد يخفي البراهين
والا الرجال الي تعرف السنوعي .. .. تلقى على حجله مع السبق رقمين
والا عساه بنازيات التلوعي .. .. ورزقه على الي خالق الناس من طين
ومما جرا يا حسين قلبي قنوعي.. .. لو كان عقبه خاطري صاير شين

---------------------

[الاشقر]

صح السانك والسان الشاعر

وبيض الله وجهك

[شعراوي]

صح السانك والسان الشاعر

وبيض الله وجهك

ولسانك يالذيب

وجهك ابيض ماقصرت على المروور

الله لا يهينك

[الولع]

خوي شعراوي قصيدة رائعة ,,,,, مشكور على هذا النقل

[شعراوي]

خوي شعراوي قصيدة رائعة ,,,,, مشكور على هذا النقل

الاروع وجودك

العفو

[المحتار]

صح لسانك وبيض الله وجهك يالذيب .

[شعراوي]

صح لسانك وبيض الله وجهك يالذيب .

صح بدنك

وجهك ابيض يالغالي

الف الف شكر على مروورك الله لا يهينك

[العطاوي]

ما كان ودي ان المفارق فجوعي .. .. ليته موادعني سوات المحبين
الله يلوم الطير بعده يلوعي .. .. خلاني اسهر والمخاليق ممسين

شعراااااااوي قصيده رائعه


وصح لسان الشاعر و سلمت يمينكـ

[شعراوي]

ما كان ودي ان المفارق فجوعي .. .. ليته موادعني سوات المحبين
الله يلوم الطير بعده يلوعي .. .. خلاني اسهر والمخاليق ممسين

شعراااااااوي قصيده رائعه


وصح لسان الشاعر و سلمت يمينكـ

الاروع مروورك ووجودك يالذيب

ويمناك يالذيب

بيض الله وجهك على المروور

[مرجوج الدوادمي]

صح لسانك ولسان قايلها

يعطيك العافيه

[شعراوي]

الله يسلمك ويعافيك

ماقصرت على المرررور والتواصل لا هنت يالغالي