وش هقوتك باللي سرى تالي الليل.......

[ابن ضويان]

[وش هقوتك باللي سرى تالي الليل
مـتـنـحـرٍ درب الـمـهــالـك لحـالــه

يـوم انهـا كـثـرة عـليه الـغـرابـيــل
والصدر ضاق وخـبـث الوقـت بالـه

وضاقـت به الدنيا ولاعـاد به حـيـل
وزاد الحـزن والـقـلب زاد اعـتـلالـه

حمل فـراشه والعـزب والـمـعـامـيـل
واركى عـلى جـيـبٍ يسابـق ظـلالـه

يـبـي ديارٍ أمس قـالـوا بهـا ســيــل
يـبـي نـفـودٍ حـاير الماء بـجــالــــه

يـبـي يـشم النار مع ريحـة الـهـيــل
يـبـي يـفـوح فـوق الارطـى دلالــــه

يـبـي يتعـلى عـله يشاهـد سـهــيــل
يـبـي يـنـادم كـل نـجــم بــدا لـــــــه

يـبـي يغـني باللــحـن والـمـواويـــل
يـبـي يـبـدد بالـصـحـاري هـبــالـــه

وإلى صفى راسه بدا بالـتـهـالــيـــل
وسبح بحمـد الله وخـلى الـجـهـالــه

ولاحـدٍ معه يـفـك الاطـناب ويـشـيـل
ولاحـدٍ يـزود بالـرحــيـل انـفـعــالــه

لطـاب شفـه من هـوى البر بالحـيـل
يرحـل عـلى كـيـفـه مـتى ماطـرالــه

هــذي أمـانـي والامـانـي تـعــالــيــل
تـسـلـى بها نـفـسٍ تـعـثر مـنــالــــه

[شعراوي]

لطـاب شفـه من هـوى البر بالحـيـل
يرحـل عـلى كـيـفـه مـتى ماطـرالــه

هــذي أمـانـي والامـانـي تـعــالــيــل
تـسـلـى بها نـفـسٍ تـعـثر مـنــالــــه


لاهنت يبن عمي كفيت وفيت يالغالي

ننتضر جديدك

[ابن ضويان]

تسلم عافاك الله

[الاشقر]

صح لسانك ولا هنت على القصيده الرائعه

[بيتر]

صح لسان شاعرها

[رعدالشمال]

صح لسانك يابن ضويان

[الولع]

روعة روعة ,,,,, اتمنى ان لاننحرم من هذا التالق اخوي ابن ضويان

[فواز]

صح لساانك ولاهنت على القصيده الراائعه

[ابن ضويان]

يعطيكم الف عافيه علة مروكم الرائع

[مايهاب]

مشكور يابن ضويان على القصيده لاهنت

[ابن ضويان]

تسلم اخوي منور

[هوى الشمال]

حمل فـراشه والعـزب والـمـعـامـيـل
واركى عـلى جـيـبٍ يسابـق ظـلالـه

يـبـي ديارٍ أمس قـالـوا بهـا ســيــل
يـبـي نـفـودٍ حـاير الماء بـجــالــــه

يـبـي يـشم النار مع ريحـة الـهـيــل
يـبـي يـفـوح فـوق الارطـى دلالــــه


صح لسانك ويعطيك العافيه على القصيده الجميله

[ابن ضويان]

تسلم اخوي منور بوجوودك الرائع