الاشقر
12-14-2009, 03:54 PM
ياهل الجيب المجهـز وناويـن الشمـال ** وقفوا لو خذت من وقتكـم شـيٍ قليـل
ريضوا لي لين أجيب العمامـه والعقـال **والفراش وبعض الأغراض للدرب الطويل
للديار اللـي سقتهـا مراويـح الخيـال ** علها من بارق الوسم سيلٍ عقـب سيـل
ديرةٍ ربـي كساهـا جمـالٍ فـي جمـال ** لين صارت تشرح الصدر وتداوي العليل
ودي اقضي عدة أيـام مـع عـدة ليـال ** في فضاها واهتني بالمساء عقب المقيـل
علّي استرجع شبابي ولو قالـوا محـال ** عاقد الأمـال فـي واحـدٍ ماهـو بخيـل
كلما حاولت قالوا هـدف صعـب المنـال ** قلت فعلاً صعب لكـن ماهـو مستحيـل
بين شي من الحقيقه وشي مـن الخيـال ** ينبعث في النفس ذاك الشعور اللي جميل
ماتشوف العشب يطلع من احضان الرمال ** ويابس الاغصان تخضرّ وتعـود تميـل
إبتعد عن زحمة النـاس تلقالـك مجـال ** وإترك الدنيـا لأهلهـا ودوّر لـك بديـل
لاتفكر فـي تجـاره ولافـي راس مـال ** وانت لين اليوم شايب ولا عندك حصيـل
كل شـيٍ فـات والعمـر باقـي لايـزال ** لاتضيّع باقي العمر فـي الشـيٍ الهزيـل
ضاعت اعمار اكثر الناس في جمع الريال ** يتعب الرجـال حتـى يفاجيـه الرحيـل
التعـب والكـد لأم العـيـال وللعـيـال ** وآخر المشوار من يعترف لك بالجميـل
ادري إن اهلك لهم حـق مافيهـا جـدال ** وانت ماقصرت وفّيت فـي وزنٍ وكيـل
مير نفسك ناسي حقوقها يبـن الحـلال ** انـت مايرتـاح بالـك بيـوم ولابليـل
تدّرج مثـل المحالـه تلاحيهـا الحبـال ** في عذاب وتسقي الناس عذبٍ سلسبيـل
قوم وانظر في المرايه وسل نفسك سؤال ** ويش بقا بالعمر للكـد والحمـل الثقيـل
والله إن الصوره ابلغ جواب من المقـال ** الزمن شاهد على الحال والواقـع دليـل
عبدالله الطليحي
وسلامتكم
م/ن
ريضوا لي لين أجيب العمامـه والعقـال **والفراش وبعض الأغراض للدرب الطويل
للديار اللـي سقتهـا مراويـح الخيـال ** علها من بارق الوسم سيلٍ عقـب سيـل
ديرةٍ ربـي كساهـا جمـالٍ فـي جمـال ** لين صارت تشرح الصدر وتداوي العليل
ودي اقضي عدة أيـام مـع عـدة ليـال ** في فضاها واهتني بالمساء عقب المقيـل
علّي استرجع شبابي ولو قالـوا محـال ** عاقد الأمـال فـي واحـدٍ ماهـو بخيـل
كلما حاولت قالوا هـدف صعـب المنـال ** قلت فعلاً صعب لكـن ماهـو مستحيـل
بين شي من الحقيقه وشي مـن الخيـال ** ينبعث في النفس ذاك الشعور اللي جميل
ماتشوف العشب يطلع من احضان الرمال ** ويابس الاغصان تخضرّ وتعـود تميـل
إبتعد عن زحمة النـاس تلقالـك مجـال ** وإترك الدنيـا لأهلهـا ودوّر لـك بديـل
لاتفكر فـي تجـاره ولافـي راس مـال ** وانت لين اليوم شايب ولا عندك حصيـل
كل شـيٍ فـات والعمـر باقـي لايـزال ** لاتضيّع باقي العمر فـي الشـيٍ الهزيـل
ضاعت اعمار اكثر الناس في جمع الريال ** يتعب الرجـال حتـى يفاجيـه الرحيـل
التعـب والكـد لأم العـيـال وللعـيـال ** وآخر المشوار من يعترف لك بالجميـل
ادري إن اهلك لهم حـق مافيهـا جـدال ** وانت ماقصرت وفّيت فـي وزنٍ وكيـل
مير نفسك ناسي حقوقها يبـن الحـلال ** انـت مايرتـاح بالـك بيـوم ولابليـل
تدّرج مثـل المحالـه تلاحيهـا الحبـال ** في عذاب وتسقي الناس عذبٍ سلسبيـل
قوم وانظر في المرايه وسل نفسك سؤال ** ويش بقا بالعمر للكـد والحمـل الثقيـل
والله إن الصوره ابلغ جواب من المقـال ** الزمن شاهد على الحال والواقـع دليـل
عبدالله الطليحي
وسلامتكم
م/ن