يلي دفنتوا جثته ليه تبكون

[صنديدالشمال]

ياللي دفنتو جثته ليه تبكون؟
لولا الحيا..لأقول:معكم خذوني

منه انحرمت وكنت انا عنه مسجون
ماأذكر لمحته..غير مره بعيوني

شفته..وكانت فرحتي مالها لون
عجزت لأوصف..من لمحته شجوني


ياليتني..كنت الكفن يوم تمشون
أبقى معه بالقبر ثم تدفنوني

أو ليتني..من خلفكم كنت(مجنون)
أتبع خطاكم والعذر هو:جنوني

أبكي وراكم..وادعي ان كان تدعون
مايكفي انه عاش عمره بدوني؟؟

تكفون<هاكم عمري اليوم تكفون
برخص حياتي دام خابت ظنوني

مافادني صبري!!ولافادني عون
ولافادني دمع(ن)..حرق لي جفون


يامابكيته والبكى يحرق عيون
ميت او انه حي..دمعي بعيوني!!

العام كانت بفرحته..اعزف لحون
واليوم تحت الارض ماهو بكوني

لكن انافي فرحته..كنت مدفون
فوق الثرى..واليوم موته سجوني

(سميت قلبي عقب فرقاه ملعون)
هووالليالي..عن هناه امنعوني

ياليتني.. ماعشت لحظه بها الكون
وياليت ربعي..في سكات اذبحوني

وياليتكم عن همي اليوم تدرون
منه انحرمت>ومن عزاه..احرموني

حتى بوفاته!!يوم اناطحت مطعون
أخفيت طعناتي..قبل لايفضحوني

بكيت!!ولكن..ماتظاهرت بالهون
ابكي واقول:الموت هوسبة طعوني

وان كان في حبي انا.. ماتحسون..؟!
دلوني لقبره..وهناك..اتركون

وتقبلو تحياتي
منقوله

[العطاوي]

صنديد الشمال


سلمت يمينك على ما نقلت



تقبل مروووري

[الاشقر]

صح السانك وبيض الله وجهك على النقل

[المحتار]

صح لسانك ياصنديد وتسلم يمينك على النقل .

[صنديدالشمال]

سلمت من كل شر إنشاء الله يا العطاوي مرورك أسعدني وياهلا فيك

[صنديدالشمال]

صح بدنك يا الاشقر ووجهك أبيض لاهنت

[صنديدالشمال]

صح بدنك يا المحتار يا علك ما تحتار من شيء قل أمين وياهلا فيك

[الولع]

مشكور اخي صنديد ,,,, قصيدة رائعة

[صنديدالشمال]

تسلم يا الولع يا هلا فيك مرورك أفرحني

[مرجوج الدوادمي]

صح لسانك و لسان قايلها
يعطيك العافيه

[صنديدالشمال]

صح بدنك يا مرجوج الله يعافيك يا الغالي

[مبارك السالم]

صنديد الشمال

نقل موفق

صح الله لسانك ولسان الشاعر

تقبل ودي واحترامي

[مايهاب]

تسلم يمنااك على النقل صنديد
تقبل مروري

[شعراوي]

قصيده شويه عليها ان قلت حلوه

سلمت يمناك على هالنقل

[صنديدالشمال]

صح بدنك يا أخي مبارك لاهنت ولك مني تبادل الود والاحترام

[صنديدالشمال]

سلمت إنشاء الله من كل شر يا ما يهاب ومرورك أفرحني

[صنديدالشمال]

سلمت يا الغالي من كل شر يا شعراوي لا هنت