قصيده فالشاص

[راعي ولع]

ياهـل الولـع قلبـي تزايـد فتوقـه
قصده يسج بديرتن مـا بهـا أسـوار

من فوق شاص(ن) يعجب اللي يسوقه
مجهزينـه للمقـاطـع والأخـطـار

مضف(ن) على كل الصحاري حقوقه
توه جديد(ن) كـل طبلونـه أصفـار

إليـا شلـع تقـول يرخـي سبوقـه
فرخ(ن) قطامي ورد عقـب محـدار

الطيـر والدربيـل تزهـى شنوقـه
والعزبة اللـي زودهـا بـن وبهـار

أمـل التوانـك لا تهمـك عـروقـه
وإضرب تهاتيه الخلا منـت محتـار

يحلا نسيم الصبـح ساعـة شروقـه
يالفيضـة اللـي كلهـا نبـت نـوار

يزين بـدع القـاف بحـلا طروقـه
بقفـر خـلاء مـا طبهـا كـل دوار

إرم الحطب والناس كل(ن) وشوقـه
وجز الدلال الصفر فمصالـي النـار

قم إحكـر الفنجـال ويزيـن ذوقـه
بريـة(ن) يطـرب لهـا كـل زوار

الصيـد واجـد والنشامـا تحـوقـه
غزايـر(ن) دايـم سمينـات وخيـار

إرم النظـر مافيـه شـئ يعـوقـه
برض(ن) خلاء ترتع بها دق الأبكار

العمـر فانـي والليالـي تسـوقـه
والـرازق الله والمخاليـق قـصـار

[مايهاب]

صح لساانك يالذيب
تقبل مروري

[الرويس]

مضف(ن) على كل الصحاري حقوقه
توه جديد(ن) كـل طبلونـه أصفـار

صح اللسانك وسلمت يمناك

اخوك الرويس

[الولع]

مشكور اخوي راعي ,,,, قصيدة رائعة بموتر القناص

[الاشقر]

صح السانك اخوي راعي ولع

[حجاب]

صح الله السانك يا راعي الولع

[المحتار]

صح لسانك ياراعي ولع ولاهنت على القصيده .

[مرجوج الدوادمي]

صح لسانك و لسان قايلها
يعطيك العافيه