الشاعر حمد السعسد

[شعراوي]

هلاجابك الله عقب ذاك الطريق ارتحت
تبي باتصالك عقب ماغبت تنفعني
تبيني على حطة يدك جيت والا رحت
تبي بهالسهولة بالمعاذير تقنعني
تحسب الجفا عادي وانا منه ياما صحت
تقول انت وش خسران وشفيك تمنعني
انا ماخسرت الاالكرامه عقب مارحت
نويت السفر ولاطرالك توادعني
على كل حال اسمع وانا ابشرك ماطحت
على ماانت خابر لاو صدتتك ترفعني
هلايوم ربي جابك وللاسف سامحت
انا بتكلم وانت لالاتقاطعني
ثلاثين ليله وانت ماقلت كيف اصبحت
تبعثرت عقبك ماطرالك تجمعني
شقى واشتقيت وللمخاليق مالمحت
قروك بعيون للسهر منك تقلعني
كرهت السفر واللي يسافر ولاصرحت
بانك سبب حزني وفرقاك يوجعني
وانا وان شكيتك لاقرب الناس وان وظحت
لقيت الاجابه منه لاغاب وش يعني
انا اكذب عليك ان قلت ياذا البعيد انزحت
على كثر بعدك يمك الشوق يدفعني
هلا هلا باتصالك عقب ذذاك الغياب افلحت
ولي صدر ياسع غيبتك وانت تاسعني
هلابك على حطة يدك جيت والارحت
على ماانت خابر وانت لاعاد تقطعني

[المحتار]

يعطيك العافيه ياشعراوي وصح لسانك ولسان قايلها

[شعراوي]

يعطيك العافيه ياشعراوي وصح لسانك ولسان قايلها
الله يعافيك

ماقصرت يالامير على مروورك وتفاعلك

الله لا يهينك

[الولع]

قصيدة رائعة مشكور شعراوي

[شعراوي]

الاروع مروورك

الله لا يهينك

[الاشقر]

صح لسانك ولسان الشاعر


وبيض الله وجهك على النقل

[شعراوي]

صح لسانك ولسان الشاعر


وبيض الله وجهك على النقل
صح بدنك يالذيب
وجهك ابيض ماقصرت يالاشقر

الله يعطيك الف الف عافيه