ياأستاذ انا بوادي وشرحك بوادي

[راعي ولع]

السلام عليكم ورحمة الله وبركاته



هذي قصيدة للشاعر مــهـيـل بن راشد آل جدي.

وحبيت انقلها لكم




يا استاذ انا بوادي وشرحك بـوادي
والله لو تشرح ادروسك على اللـوح

انـا يتخيلـي عريـض الثـنـادي
اشقر طويـل عاتقـة تـو مطـروح

فرخ وحش مطروح بارض الحمادي
وافي وفي ظهره من أخوانه مسـوح

اتعـب طواريـح الشمـال العتـادي
وتزاهمـو عنـده ثلاثيـن طـاروح

ويومه وصل للسوق فـك المهـادي
وتزاودوا عنـده ورا قيمتـة جـوح

وجابه نصيبي بيـن ذيـك الأيـادي
والله عطانيـاه مـن غيـر سامـوح

هـذا هـواء قلبـي وهـذا مـرادي
ماهوب كرسات على غير مصلـوح

أبغـي لياهبـت هبـوب الـبـرادي
وذعذع علينا غربي مـن بعـد روح

وقالو ا لقينا جـرة الخـرب عـادي
بين السهول وممسي في ذرا صـوح

ثـرة قديـم ولـه أثـاري اجـدادي
وتجيني أخباره مـع كـل سـاروح

قدلـه ليالـي رابٍ لــه كــدادي
في آخر شهر قمراه ماتظهر وضوح

لا هـو يتلـحـظ جـاهـز للهدادي
وآنا علـى هـده شفـوق ومشفـوح

ناظرت بـه تـو أول النـور بـادي
تل السبوق وراح يردم على الضوح

وادلا عليها بـا الحـراب الحـدادي
وشل الفواد وداغر الخرب مشلـوح

وجيتـه ونسرتـه بـدم الـفـوادي
وسفطتلـه دم مـن فوادهـا يفـوح

ياستـاذ ذاك اليـوم أول عـيـادي
ويا ستاذ والله تو ردت لـي الـروح

ياما قطعنا من بعيد الريادي
ويا ما تعرضنا مطبات وسيوح

دنـيـا عسـاهـا للبلاوالنـفـادي
حطت على صدري حزازات وجروح

ويابنـدر المنصـور قافـي ينـادي
ويذ بلك في عالـي الرجـم وينـوح

وزهم ابن منصـور سـم المعـادي
صاحبك ضاق ابه الفضى واثراالبوح

[هيييمو]

صح لسانك ولسان الشاعر قصيده رائعه


ومشكوور على النقل

[الاشقر]

صح السانك

اخوي راعي ولع

وصح السان الشاعر

وسلمت اناملك على هذا

النقل الرائع

ولا تحرمنا من جديدك يالذيب

[المحتار]

صح لسانك ولسان قايلها وتسلم يمينك على القصيده

[الولع]

ابداع من كل الاتجاهاتي ,,,, شكرا اخي راعي ولع على هذا النقل الرائع

[مايهاب]

صح لساانك ولساان الشااعر
تسلم يمنااك على النقل تقبل مروري لاهنت